Стев Жобс Apple TV шинэ хувилбараа танилцуулж, Интернет-телевизийн бизнесийг бужигнуулж эхэллээ. Apple-ийн тэргүүн Стев Жобс бүтээгдэхүүнээ танилцуулахаар урихад хүмүүс тэр өдрийг тэсч ядан хүлээдэг. Жил бүрийн есөн сард MacBook өвөр дээрээ тавьсан хүмүүс түүний хэлсэн өгүүлбэр бүрийг блогтоо бичин дамжуулцгаадаг юм. Энэ удаа ч Сан Францискод 350 блогчид болон сэтгүүлчид цугларсан байсан ба мөн Лондонд нэгэн том зааланд 325 хүн том видео дэлгэцээр харж байлаа.
Сэтгэгдэл бичих (0 Сэтгэгдэлүүд)
Бразил улсын 14 настай охин Элисани Силва 2,06 см өндөр биетэй бөгөөд дэлхийн хамгийн өндөр өсвөр настанд тооцогдож байна. Түүний мөрөөдөл нь дэлхийн мянга мянган охидын адилаар загвар өмсөгч болох явдал. Өндөр, турьхан бие нь түүний мөрөөдлийг биелүүлэхэд илүү тохирно гэж тэр үздэг бололтой. Тун удахгүй тэрээр Белем хотод болох хуримын хувьцасны загвар үзүүлэх шоунд оролцохоор болжээ. Элисани Бразилийн Пара муж улсад гэр бүлийнхнийхээ хамт амьдардаг. Гэртээ байнга бөхийж явах ёстой болдог ба ор, хаалга гээд жижигдэхгүй юм ч ховор. Анхааралтай л байхгүй бол байнга л тааз шүргэчих гээд байдаг юм гэж тэрээр ярьсныг "Daily Telegraph" сонинд бичжээ.
Байгалийн гайхамшигтай үзэгдлийг Сан-Паулу хотоос 530 км зайд байсан хүмүүс харжээ. Орон нутгийн иргэд аймшигт торнада буюу галан хуй салхины гэрч болжээ. Түймрийн гал дундаас догшин хуй дэгдэн босч галан багана боcсон байна. Хэсэг хугацааны дараа галан хуй засмал зам дээгүүр өнгөрч гараад гэнэт гарч ирснийхээ адилаар мөн гэнэт замхарсан байна. Энэ нутагт бороо оролгүй гурван сар болж буй ба хүчтэй салхины улмаас түймэр асар их тархаж байгаа гэж бразилийн Globo TV суваг мэдээлсэн байна.
Хүмүүсийн өдөр тутмын амьдралд iPhone хүч түрэн орж ирж, түүнийг ашиглах хэлбэр ч улам өргөжсөөр бүр анагаах ухааны салбарт ч нэвтэрч эхэллээ. Эмч гэхээр л цагаан халаат, малгай, чагнуур гэж сэтгэлд буудаг. Гэтэл одоо чагнуургүй (бидний мэддэг уламжлалт чагнуургүй) эмч нар гарч ирлээ. Эмч нар iPhone бариад л явж байхад болох болжээ. Өөрөөр хэлбэл iPhone-д нэмэлт программ суулгаад л түүгээрээ өвчтөний зүрхний цохилтыг чагнаж болдог болсон байна.
Ган гачиг, гал түймэр гээд Орос орон тун хүндхэн намрыг туулж байна. Гал түймэртэй тэмцэх ажлыг мэдлэг чадвар дутсанаас тун муу зохион байгууллаа, үүний төлөө ерөнхий сайд В.Путин хариуцлага хүлээх ёстой хэмээн InoPressa.ru, The Washington Post зэрэгт бичсэн байна. Гал түймрээс болоод одоогийн засаглалын эсрэг босох нь юу л бол харин дэд бүтэц дутагдаж, тухайлбал гал түймрийн эсрэг юу ч хийж чадахгүй байгаа, орон нутгийн удирдлага тун үр дүн муутай ажиллаж буйд Оросын иргэд ихээхэн сэтгэл дундуур байгаа гэж The Financial Times дүгнэсэн байв.
WikiLeaks-үүсгэн байгуулагч Жулиан Ассанж Шведэд хоёр эмэгтэйг хүчирхийлсэн тухай мэдээ гарсан. Түүнийг зогсоох гэсэн нууц ажиллагаа юу? Түүнд тохсон хэргийг хүчингүйд тооцсоны дараа тэрээр Шведийн "Aftonbladet" сонинд өгсөн ярилцлагадаа түүний эсрэг шуугиан нь WikiLeaks-ийн нэр хүндэд муугаар нөлөөлсөн гэж мэдэгджээ. Хэн үүний ард байгааг бид мэдэхгүй гэхдээ жишээлбэл Пентагон бидний эсрэг хор найруулахаар бэлдэж буй гэсэн анхааруулга бидэнд ирсэн, секс гөрдлөг ч байж болохыг сануулсан хэмээн тэрээр ярьжээ.
Оросын банкууд жилийн 125% хүртэлх хүүтэй зээл олгож буй нь манайханд бол төсөөлөхөд бэрх юм. Гэтэл бүр жилээр нь тооцвол 732% хүүтэй зээл олгож буй компани гараад ирсэн гээч! Дээрмийн гэж хэлж болохоор ийм өндөр хүүтэй зээл олгодог компани яаж ажиллаад байна вэ гэж үү? Амжилтын нууц нь зээл олгож буй аргандаа байгаа юм. Барааны дэлгүүр болон супермаркетуудад зээл олгох цэгүүд ажилладаг байна. Зээлийн хүү өдөртөө 2% гэсэн бичиг цонхны хажууд өлгөөстэй.
Дэлхийн хөл бөмбөгийн аварга шалгаруулах тэмцээний үеэр Пауль наймаалж тоглолтын үр дүнг тун зөв тааварлаж ихээхэн шуугиан дэгдээсэн билээ. Бусад оронд ч “мэргэн” наймаалжийн эрэлд гарсны дотор Оросууд шаггүй амжилтанд хүрчээ. Японоос Петербург хотын "Нептун" аквариумд авчирсан хоёр наймаалж нилээд найдвар төрүүлж буй гэнэ. Хоёр улсын далбааг хананд нь наасанд нилээд эргэлзсэний эцэст Григорий нэртэй наймаалж Оросын далбааг сонгожээ.
Тайваны нэгэн фермийн бар гурван лигр (ligers: Lion +Tiger) төрүүлжээ. Нэг нь төрмөгцөө үхсэн байна. Хахь хоёр өөр төрлийн амьтан эвцэлдүүлсэн нь байгалийн хуулийг зөрчсөн хэрэг гэж байгаль хамгаалагчид үзэн санаатай ийм үйлдэл хийсэн фермийн эзнийг шүүхэд өгч, шийтгүүлэх хэрэгтэй гэсэн санал гаргажээ. Ингэснээр бусад хүмүүс үүнийг даган дуурайхаас болгоомжилж буй юм байна.
iPod Touch-ыг iPhone болгоод Хялбархан аргаар хямд зүйлийг үнэд оруулахдаа Хятадууд гаршсан хүмүүс. Хятадууд хэрхэн iPod Touch –ыг iPhone болгон хувиргаж буй тухай мэдээлэл гарлаа. Yosion Technology гэх Хятадын компани энэ зорилгоор ашиглагдах "Apple Peel" утасны гэрийг санал болгож эхэлжээ. Энэ нь ч дажгүй ажилладаг гэнэ. iPod Touch –д 388 юаны үнэтэй гэр авч хийгээд л “хятадчилчихдаг” (бидний монголчлох гэж ярьдаг шиг) юм байна л даа.
Хятадын сансрын станцын анхны модуль нь Tiangong (тэнгэрийн ордон) нэртэй байх юм. Хятадын сансрын нислэгийн CNSA агентлагийн уг станц нь Оросын сансрын станцаас загвар авсан ажээ. Төлөвлөсөн хугацаанаасаа хоцорсон хэдий ч найман тонн хагас жинтэй уг модуль бэлэн болсон байна. "Tiangong 1" станцыг ирэх жил сансарт хөөргөнө гэж мэдээллийн Синхуа агентлаг мэдээлэв. Тэр болтол цахилгаан болон бусад тоноглолуудыг шалгах юм. Уг станцыг тойрог замд оруулах “Урт аян 2F” загварын пуужинг өөрчлөн угсарчээ.
Сүүлийн үед Америк-Европын харилцаа тийм ч сайнгүй байгаа билээ. Харин АНУ-ын ерөнхийлөгч Барак Обама энэхүү харилцааг сайжруулахаар шийджээ. Тиймээс Португал улсад болох Европын Холбооны дээд хэмжээний уулзалтад АНУ-ын ерөнхийлөгч оролцохоо Мягмар гарагт мэдэгдлээ. Лиссабонд 11-р сарын 20-нд ЕХ-ны ерөнхийлөгч Херман Ван Ромпуи болон ЕХ-ны ерөнхий нарийн бичгийн дарга Хосе Мануэл Барросо нартай уулзахдаа хоёр талын хамтын ажиллагааг идэвжүүлэх асуудалд голлон анхаарна гэж Вашингтоноос мэдээллээ.
Караокений дэлхийн аварга шалгаруулах “караоке-2010” тэмцээн Москвад болох гэж байна. Концерт үзэх, театрт шоу үзэхтэй адилгүй боловч тэмцээнд оролцогчдын хичээл зүтгэл, өрсөлдөөн, тэдний амьд хоолойгоор дуулах нь үзэгчид, дэмжигчдэд гайхалтай мэдрэмжийг төрүүлдэг. Энэхүү тэмцээнд АНУ, Их Британи, Ирланд, Финлянд, Польш, Австри, Кени, Австрали, Итали, Герман болон бусад олон орноос оролцогчид ирж оролцох ажээ. Тэмцээн 2010 оны 9-р сарын 23-25-нд Москвагийн "Форум Холл" концертийн зааланд болно.
Колумбийн Карибийн тэнгис дэх амралт сувиллын Сан-Андрес арал дээр 131 зорчигч тээвэрлэж явсан Boeing 737-700 онгоц цаг агаарын хүнд нөхцөлд бууж чадалгүй унасан байна. Ослын үеэр 65 настай нэгэн эмэгтэй нас барж, 120 хүн ямар нэг хэмжээгээр гэмтэл авчээ. Нислэгийн зурвас дээр орон нутгийн цагаар 01:40 цагт бууж байсан онгоц аянганд өртсөнөөс их бие нь гурван хэсэгт хуваагджээ.
Хүйтэн дайны туршид 1947-1991 онийг төгстөл коммунист капиталист 2 орны харилцаа гэхээр “харгис хөндий байдал” дүрслэгддэг байв. АНУ-ын гол болгоомжлол нь орос эсвэл хятад улстай цэргийн хүчний зөрчилдөөн болох биa гэсэн айдас байжээ. Азаар ийм зүйл болоогүй ч цэрэг зэвсгийн бололцоог нэмэгдүүлж дайнд бэлтгэхийн оронд эдийн засгийн дайныг тэдний эсрэг эхлүүлсэн байна. АНУ тухайн үедээ юм юмаараа тэргүүлж байжээ.
Америкийн OkCupid танилцуулах сайт нэгэн сонирхолтой судалгаа хийжээ. Судалгаанд оролцогчдын барьдаг гар утасны төрөл болон тэдний сексийн харилцаанд ямар хамаарал байгааг сонирхож үзсэн байна. OkCupid сайтын мэдээлснээр iPhone эзэмшигчид нь Android ашиглагч гар утас эзэмшигчдийг бодвол амьдралдаа дунджаар хоёр дахин олон сексийн хамтрагчтай байсан нь судалгаагаар гарчээ.
